महाशिला गाउँपालिका, पर्वतमा नसर्ने रोगको वृहत स्क्रिनिङ्ग कार्यक्रम सम्पन्न
प्रादेशिक स्वास्थ्य निर्देशनालय, गण्डकी प्रदेश, पोखरा र महाशिला गाउँपालिका, पर्वतको आयोजना तथा प्रादेशिक जनस्वास्थ्य प्रयोगशाला, पोखरा, प्रदेश जनस्वास्थ्य कार्यालय, कुश्मा, पर्वत र प्रदेश अस्पताल, कुश्मा, पर्वतको प्राविधिक सहयोगमा पर्वत जिल्लाको महाशिला गाउँपालिका -५ मा रहेको महाशिला आधारभूत अस्पतालमा मिति २०८१ फागुन २८ गते संचालन भएको नसर्ने रोगको बृहत स्क्रीनिङ कार्यक्रम अन्तर्गत ६६३ जना सेवाग्राहीहरुको मानसिक स्वास्थ्य अवस्था, रक्तचाप मापन, तौल, कम्मरको परिधि र उचाईको नाप गरी रगत तथा पिसाबको नमुना समेत संकलन गरि मिति २०८१ चैत २ गते मनोपरामर्श सहित स्वास्थ्य परिक्षणको रिपोर्ट तथा आवश्यकता अनुसार औषधि समेत उपलब्ध गराईएको छ । बृहत स्क्रिनिङ कार्यक्रमको पहिलो दिन महाशिला गाउँपालिकाका अध्यक्ष ईश्वरी प्रसाद भुसाल, उपाध्यक्ष धनसुबा बि. क., प्रादेशिक स्वास्थ्य निर्देशनालयका, गण्डकी प्रदेश, पोखराका महानिर्देशक खिम बहादुर खड्का, प्रादेशिक जनस्वास्थ्य प्रयोगशाला, पोखराका कन्सल्टेन्ट प्याथोलोजिस्ट डा. विश्वराज बराल, उप-प्रमुख मेडिकल ल्याव टेक्नोलोजिष्ट भुपदेव भट्ट, महाशिला गाउँपालिका नि. प्रमुख प्रशासकीय अधिकृत लगायतका विशिष्ट ब्यक्तिहरुको उपस्थिति रहेको थियो। चैत २ गते मानसिक स्वास्थ्य विशेषज्ञ डा.गिता सुबेदी लगायतका चिकित्सकहरुबाट मनोपरामर्श सहित स्वास्थ्य परिक्षणको रिपोर्ट तथा औषधि समेत वितरण गरिएको थियो भने प्रदेश आयुर्वेद चिकित्सालय, पर्वतका प्रमुख नविन किरण भुसालले नसर्ने रोगको जोखिम न्युनिकरणका लागि स्वस्थ जिवनशैली र असल खानपानका सम्वन्धमा प्रस्तुतिकरण राख्नुभएको थियो । प्रादेशिक स्वास्थ्य निर्देशनालय, गण्डकी प्रदेशले यस आर्थिक वर्षमा हालसम्म विभिन्न जिल्लाहरुमा संचालन गरेका बृहत स्क्रिनिङ कार्यक्रमहरु मध्ये महाशिला गाउँपालिकामा संचालित बृहत स्क्रिनिङ कार्यक्रममा सबैभन्दा बढी सेवाग्राहीहरुको उपस्थिति रहेको थियो। कार्यक्रममा आउने सेवाग्राहीहरुको सहजताका लागि महाशिला गाउँपालिकाले यातायातको समेत ब्यवस्था गरेको थियो ।

Download: महाशिला गाउँपालिका, पर्वतमा नसर्ने रोगको वृहत स्क्रिनिङ्ग कार्यक्रम सम्पन्न